Qassutit qimissersugassat pitsaasut aalisarluarnissamut apeqqutaapput. Qassutit qimissersugassat pitsaasut daconetimeersut – Nammineq qimissersuerusukkuit.
Qassutit pitsaassusiat, illillu qimissersuinerni periutsit aalisarluarnissamut apeqqutaalluinnarpoq. Taamaatsumik Daconetimi qassusiassanik pisiniartarnitsinni pitsaassuseq pingaartitaraarput. Qassutit pitsaasut – Daconetimut pisiniarnissarnut patsisissaapput.
Qassutinut qimissersugassanut tunngatillugu paasissutissat.
Qassutinik qinerlissaguit assigiinngitsut makkua eqqarsaatigisassaasarput, soorlu allunaasaarartaata silissusia, ningartaqqortussusiat, takissusiat, itissusiat, sananeqaataat qalipaataallu.
Qassutit net-itassaasa sananeqaataat assigiinngitsuusarput, soorlu nylon ataasiartaq (Monofil), Arlariiaanik qippalik (Multimonofil), imaluunniit amerlasuunik qippalinnik sananeqaatillit (Supermultimonofil). Qassutit net-itaasa sananeqaataanni pingaarnerpaasarput ninngussusaat, tasisuaneri, akimut ersarissuuneri qileruminarnerilu. Qassutit net-itaat monofil-it imaaniitillutik nammineq tasisuasooreerput aalisakkaniillu takujuminaareerlutik. Multimonofil-inik (arlalinnik qippalinnik) sananeqaatillit qitunnerusarput ninngunerusarlutillu.
Tunngaviusumik oqaatigineqartarpoq allunaasaaraq qassusiarineqartoq aminneruguni, taava pingajunnerussasoq, kisianni tamatigut aamma ninngussusia eqqarsaatigineqartussaavoq, tassami amuarnermi qassutit akkiussuuteriataartartillutik sissorneqartoorsinnaasarmata.
Qassutit net-itaasa ningaartaasa angissusiat uuttorneqartarpoq tamatigut ningartap affaanut, ningartallu angissusissaat aalajangerneqartarpoq aalisakkanut sorlernut atortussaanerat apeqqutaatillugu. Ningartap angissusia aamma qassutit takissusissaannut, itissusissaannullu uttuutigineqartarput. Takissusissaannut qilernerit qassiunersut, itissusissaannullu ningartat qassiunersut.
Aalisartut amerlasuut isumaqartittaqaat qassutit qalipaataat, ukiup qanoq-ilinera, sumiinneq, aalisakkallu sorliit aalisarnissaat apeqqutaatillugu.